India ramah darkar 24 liam ta chhung khan Covid-19 kai mi 2,424 hmuh chhuah leh hman a n.
Darkar 24 chhung hian mi 15-in coronavirus an thihpui leh hman anga chhinchhiah a ni a; mahse, an zinga mi 12 hi Kerala-a a hmaa thihpui tawh, chhinchhiahnaa telh thar an ni.
India-ah hian COVID-19 kai enkawl lai chu kai hmuh tawh zawng zawng atanga 0.06% chauh an ni tawh a, mi 28,079 an la awm a ni.
COVID-19 kai hmuh chhuah tawh zinga 98.75% chu enkawl dam tawh niin March, 2020 hnua a san lai ber a ni a. Darkar 24 liam ta chhungin mi 2,923 chu dama chhuahtir leh hman niin mi 4,40,57,544 zet enkawl dam an ni tawh.
Ni khata kai leh kai lo endik zinga kai hmuh chhuah chu 2.65% chauh ni bawkin chawlhkar khat chhunga endik zinga 1.37% chauhvin an kai tih hmuh a ni bawk.
India-ah hian COVID-19 laka invenna damdawi chu dose vaibelchhe 218.99 pek tawh a ni a. Union Health Minister Mansukh Mandaviya chuan state 19-ah chak lehzuala tih sawiin ni reilo te hnuah dose vaibelchhe 100 pek tlin thuai a nih dawn thu a sawi.