AZL: Silai kawltute tan leh silai kaihhnawih thilah Dr Lalhriatzuali Ralte, Aizawl District Bawrhsap chuan a hnuaia tar lan ang hian hriattirna a tichhuak.
Aizawl district huam chhunga Accredited Gunsmith/Repairing Licence Holder (Licence neitu) zawng zawngten Arms Rules, 2016, Rule 77-in a sawi angin mahni thu thua silai ken chhuah, siam danglamte leh tualchher silaite siam lo tura hriattir an ni a. Form IX-A Licence holder-te chu minor repair chauh kalpui tur an ni a, major repair erawh chu Form IX Licence holder-te chauhvin manufacture & repair leh siam danglam (modification) an khawih thei ang.
Licence nei lova silai lo siam (manufacture & repair) leh siam danglam (modification) hi dan kalh tlat a nih avangin man chhuah an nih chuan dan anga hrem leh licence cancel-sak an ni ang.
Thupek hi Accredited Gunsmith/Repairing Licence neitu zawng zawngten ngai pawimawh tura hriattir an ni.