Manchester United player ropui Cristiano Ronaldo chuan club football a a goal 700-na a khung zanah Goodison Park mipui a ngawihtir a. A team tana chakna goal ni tur khungin 2-1 in Everton an hneh.
Everton khelmualah tun season beisei ang lo taka hmang Ronaldo in mellung thar a kai. Nipui laia club chhuahsan duh forward hi manager thar hnuah substitute bench-ah dah a ni thin. Everton lakah striker Anthony Martial a inhliam avangin first half-ah dah luh a ni a. Halftime hma in Casemiro ball pek atangin a thiam dan takin goal-ah a pet lut.
Kum 37 mi hian Everton laka kum 2005 hnua away goal a khung leh hmasak ber a ni a. First half-ah Toffees in Alex Iwobi hmangin goal an khung hmasa a. Hei hi Antony chuan sutin Manchester United player zinga a Premier League match hmasa pathum a goal khung vek thei awmchhun a ni.
“Club goal 700. Kan zavaia kan thlen chin hi a mawiin a ropui hle. Ka teammate, coach leh club zawng zawngte bakah thian, chhungte leh fans te chungah lawmthu ka sawi.” tiin CR7 chuan a lawmzia a sawifiah.