Vietnam sorkar ngenna zahin Netflix chuan Korean drama lar, ‘Little Woman’ chu Vietnam-a en theih loh turin a lachhuak.
He series-ah hian Vietnam War chungchanga thu dik tawk lo leh fel chiah lo a awm nuala sawi a ni a, hei vang hian sorkar official lamin ngenna an siam chu Netflix hian zahawm tiin Vietnam-a an platform atangin an an paih.
Netflix thuneitute chuan, ‘Tun dinhmun leh boruak thlirin ‘Little Woman’ leh episodes 12 hi Vietnam-a tihchhuah chhunzawm emaw en theih tura phochhuah hi a tha berin kan hre lo,’ an ti.
Official te sawi danin, episode zawng zawngah hian Vietnam War tarlanna dik tawk lo leh fuh tawk lo a awm vek a ni lova, a bik takin episodes 3 leh 8-ah Vietnam thuneitute pawm thei loh, thu dik tawk lo leh phuahchawp awm chu an ngaimawh hle thung.
Heti chung hian Netflix chuan episode 3 leh 8 chauh hi dah bo lovin, ‘Little Woman’ series pumpui hian Vietnam rama tihchhuah chhunzawm tawh lo turin a la thla ta a ni.
Vietnam sorkara Authority of Broadcasting and Electronic Information ang chuan heng episode pahnih te hian media leh cinema Dan an bawhchhia, tihna a nih bakah Vietnam Press Law hnuaia Clause 4 leh Articles 9 hmanga hlin theih a ni bawk.