Arnold Schwarzeneggar-a’n tunlai hian personal training session nei mekin, session khat leksah $150,000 a la. India pawisa chuang cheng vaibelchhe 1 a chuang daih!
Tunhnai khan ama train-na hnuaia lut duh dana siam, lilamna ah Florida-a cheng Morris Flacbaum chu vannei berah tangin, a chhungte nen Arnold nena train theihna remchang pek an ni.
Pawisa tam tham tak senga taksa inlak fit-naa Arnold-a hlawh tur hi a mimal pawisa ip-ah lut lovin, charity atan a bo bang awm lova pek vek tur a ni thung.
Conan The Barbarian-a’n kum 30 kaltaa a lo siam tawh ‘After-School All Stars’ charity-ah chhunluh vek an tum.
Arnold ngei pawhin Instagram kaltlangin nikhat chhung chauh neih tur training session atanga hmuh tur India pawisaa cheng vaibelchhe 41 chuang hi khawpui 60-a naupang 100,000 te’n exercise program tha leh changtlung an neih theihna tura hlan vek a nih tur thu a tarlang.