India-ah darkar 24 liam ta chhung khan COVID-19 kai mi 1,957 hmuh chhuah leh hman niin a hma ni chiah aiin an tlem hret.
Hri kai leh kai lo endik zinga 0.71% chuan an kai tih hmuh niin chawlhkar khat liam ta chhunga endik atanga kai hmuh hi 1.21% chauh a ni tawh bawk.
Hri kai enkawl lai mek hi a kai hmuh chhuah tawh atanga 0.06% ni mekin enkawl dam tawh hi 98.75% an ni tawh thung.
Darkar 24 liam ta chhung hian mi 8-in hripui hi an thihpui leh hman anga chhinchhiah a ni a, an zinga pathum chu a hma lama thi tawh, Kerala-a chhinchhiahnaa telh thar an ni a. Mi 5,28,822-in an thihpui tawh a ni.
India-ah hian mi 4,46,16,394-in Covid kai tawhin heng zinga mi 27,374 chu enkawl lai mek an la ni.