Aizawl : MPSC combined exam-a Lunglei district atanga tling te hnenah nimin khan Lunglei Bawrhsap Kulothungan-a’n chawimawina a hlan.
Lunglei Bawrhsap chuan MPSC combined exam-ah Lunglei dist atanga mi pali an tlin avanga lawmawm a tih thu leh a tling te a lawmpui tuh a sawi a. Tuna an hlawhtlinna chu a bul tanna a nih thu sawiin, thahnemngaihna nena kal zela hlawhtlinna sang zawk chang ngei turin a chah.
MPSC combined exam paltlang te chu nakin zela mipui rawng an bawlna turah mi rinawm leh midangte tana innghahna tlak ni theuh turin Lunglei Bawrhsap chuan a chah bawk.
MPSC combined exam-a Lunglei district atanga tling te hi – Betty Lalrinfeli – MCS, Grace Lalremdiki Sailo – MCS, Doris Lalrinawmi – MCS leh R. Lalthankima – MPS te an ni.