Chenaiyin FC in second half ah goal hnih khungin Indian Super League season tharah chakin bul an tan a. Anni aia tha zawka ngaih ATK Mohun Bagan 2-1 in an hneh.
ATKMB khuaah Super Machans an inlan a, Kolkata a Vivekananda Yuba Bharati Krirangan ah mikhual team in second half a an huntha neih an bawh pelh loh an chakpui.
Kwame Karikari chuan minute 64-naah goal a khung a. Penalty an hmuh chu Ghanaian striker hian a khung a, ISL a khelh hmasak berah goal a khung.
Rahim Ali-a’n an chakna goal minute 83-naah a khung bawk a. Edwin Sydney Vanspaul leh Karikari te thawhrah sengin goal pawimawh a khung.
ATKMB tan minute 27-naah Dimitri Petratos siamsak chu Manvir Singh-a’n goal ah a khung a. Hmahruaitu ni hmasa zawk mahse Kolkata club in an dinhmun tha chu huntawp thleng an hum zo lo.