Kum 80 hmel hmu hlim hlawl Mega super star Amitabh Bachhan hausakna hi cheng vaibelchhe 3,500 vel zet niin, bungalow lian tak pali a nei bawk.
‘The Angry young man’ tia a hun hmasa lama hriatlar hian a tir lamah chuan Rs 500 vel a hlawh thin kha a ni a, tunah chuan vawikhat inlannaah maktaduai tam a rutchhuak thei ta.
Mumbai-ah bungalow lian leh changkang tak pali neitu hian kumtin cheng vaibelchhe 60 vel a lalut ziah anga chhut a ni nghe nghe.
Mumbaia hmun nuam leh lar Jalsa, Janak, Pratiksha leh Vats-ah te bungalow a nei thluah a, chhungkua anga an chen tamna ber erawh Juhu venga Jalsa-ah a ni thung. He inpui hlutna hi cheng vaibelchhe 100 vel anga sawi niin, Pratiksha hmuna awm ve thung hi vaibelchhe 160 chuang man a ni.