Lei beitute an man thu an puan mek lai hian Moscow chuan Ukraine a kah chhunzawm zel a, Nilainia a kahnaah khawchhak lama Avfiivka khua bazar kap fuhin mi pasarih an thi nia sawi a ni.
Donetsk regional military head Pavlo Kyrylenko chuan an kah hun hi vei vel tam lai a nih thu leh mi pariatin hliam an tawrh thu a sawi.
Russian-ten an luah lai region-a chengte hi insaseng rih tura an tih thu a sawi bawk.
Ukrainian president thupuangtu chuan Russia-in Dnipro region-a Nikopol khua an beihnaah hmeichhe naupang kum ruk mi telin mi pathumin hliam an tawrh thu a sawi bawk.
Ukraine-a Emergency Ministry chuan S-300 missile pawh Zaporizhzhia leh a chhehvelah a tla nasa a, khaw daia mihring chenna a chhiat thu a sawi a. A mi chengte chu in chim karah an la chhuak tih an sawi.