India ramah darkar 24 liam ta chhung khan Covid-19 kar mi 2,139 hmuh chhuah niin a hma ni chiah aiin an tam zawk.
Darkar 24 liam ta chhung khan mi 13-in an thihpui leh hman tih sorkar chuan a puang a, heng zinga mi pali erawh a hma lama thi tawh, chhinchhiahnaa telh thar an ni.
India-ah hian hri kai mi 4,46,18,533 awm tawhin mi 5,28,835-in an thihpui ta bawk.
Vaccine pawh dose vaibelchhe 219.09 pek a ni tawh a, state tam tak chuan invenna pek hi chak zawkin an kalpui mek.
India-ah hian hri kai hmuh tawh zinga 98.76% chu enkawl dam tawh an ni a. “Damlo enkawl mek hi hri kai hmuh tawh atanga 0.06% chauh an ni tawh a. Damlo mek hi mi 26,292 an la awm,” an ti.