Aizawl: Information & Communications Technology Minister Robert Romawia Royte-in nimin khan MZP General headquarters Pisa Pui, Aizawl-a MZP Computer Centre a hawng a, free wifi zone 500 siam tum a nih thu a sawi.
Hawnna inkhawm MZP Conference Hall-a neihah ICT minister chuan Mizoram telecom infrastructure policy duan a nih thu sawiin, “Policy mumal tak avangin telecom company lo lutte tan awlsamna tam tak a thlen,” a ti a. Khaw 500-ah VISAT based connection dah thar a nih thu sawiin, phone awm lohna khuaah phone hman theih a nih tak thu a sawi.
Chief Secretary hmalaknaa Corporate Social Responsibility (CSR) hmanga free wifi zone 500 siam an tum thu a sawi bawk.
MZP Computer centre, NIELIT Study centre-ah hian Course of Computer Concepts (CCC) thla thum course zirna kalpui mek niin, zirlai 50 an awm mek a ni.