Aizawl : Mamit dist-a kum 2021-a ASF avanga Vawk suatsak ten zangnadawmna an dawng tawh a, thla 2 chhung ASF vanga Vawk thi leh ASF kai report a awm tawh lo.
DVO Dr F Vanlalruata’n a sawi danin, Mamit dist-ah Vawk 6191 awm mekin, kuminah ASF avanga thi report a la awm lo a ni.
Mamit-a dist level co-ordination committee on African swine fever (ASF) nimina thukhawmin thla hnih chhung Mamit dist-ah ASF avanga Vawk thi leh hri kai hriat belh a awm tawh loh avangin ASF vanga khapna thupek thlahdul an remti a. State/ram dang atanga Vawk lakluh erawh khap zel tur a ni thung.
Dr. Malsawmkima Pachuau, AHM-in Bawng natna Lumpsy skin disease (LSD) pawh India ram hmun thenkhatah a leng tih sawiin, Mamit dist-ah erawh kai an awm hriat a la nih loh thu a sawi a. Inven lawk nan District level co-ordination committee on LSD erawh an din nghal thung a ni.