Basketball Federation of India buatsaih 72nd Junior National Basketball Championships North East Zone chu Zirtawpni atang hian Shillong, Meghalaya-ah an khel dawn.
Mizoram Basketball Association chuan Mizoram aiawh turin mipa junior team te October 11, Thawhtanni khan an inkhelhna hmun pan turin a tir chhuak.
India rama junior team te ineIna lian hi zone panga – North Zone, South Zone, East Zone, West Zone leh North East Zone ah te khelh a ni dawn a. Zone tin te hian October thla ral hma in Zone Championship hi an neih zo hman tur a ni.
Karleh Thawhtanni thleng awh tur North East Zone inelnaah hian state pariat an inel ang.
Zone tin atanga ti tha team pathum te leh a thleng tu team te nen an vaiin team16 in Junior National Basketball Championships hi December 21 – 28, 2022 hian Karnataka ah neih leh tur a ni.
Team List:
- Lalruatkima (C) – Zarkawt
- Lalnunsanga (VC) – Kanan Veng
- Emmanuel V.L. Awmpuia – Nursery Veng
- Lalhmangaihzuala – Khatla East
- Jacob Lalhmingsanga – Mission Veng
- Lallianmawia – Chawnpui
- Dorian Lalsangmawia – Electric Veng
- Lalsangliana – Zotlang
- Jesai Malsawmtluanga – Ramhlun Vengthar
- Lawmsangzuala – Ramhlun North
- Lalrinhlua – Dawrpui
- Moses Lalmuanzova – Bawngkawn