Himachal Pradesh assembly inthlan hnuhnung ber, kum 2017-a neihah khan BJP chuan bial 44 lain Congress-in 21 an la ve a. Independent-a chuhten bial hnih leh CPI(M)-in bial khat an la bawk.
Percentage zawnga chhutin vote tla zawng zawng zinga 48.79% chuan BJP an vote a, Congress-in 41.68% hmu phain independent-a chuhten 6.34% an hmu phak bawk.
Kumin inthlan turah hian Arvind Kejriwal-a kaihhruai, Aam Aadmi Party (AAP) chuan huang zauhva tun hmaa pawl hnih chauh inbeihnaah zuang lutin kil thum atanga inbeihna thlentir an tum mek a. Himalayan state hi kumin kum tir lama an lo tlin tawhna, Punjab nena inri mai a ni.
Himachal Pradesh-ah hian vote nei mi nuai 55 chuang an awm a, an zinga nuai 1.86 chu tun tum hi an vote thlak vawi khatna tur a ni a, nuai 1.22 chu kum 80 chung lam niin kum 100 chung lam mi 1,100 vel an awm bawk.