Ukrainian thuneitute chuan an ram khawchhak lama Russia-in a awp laia tan in an siam inenkawl dan rawng lutuk chu Red Cross-in en fiah se a duh thu an sawi.
Ukrainian president chief of staff, Andriy Yermak, chuan Red Cross (ICRC)-in Donetsk-a Olenivka prison chu ni thum chhunga en fiah ngei turin an duh tih a sawi.
“Hun khawral thei kan ni tawh lo, mihring nunna a derthawng lutuk,” tiin Twitter-ah a tar lang.
Thla hmasa khan Red Cross chuan camp hi endik a lo tum tawh a; mahse, Russian thuneituten an phal lo.
Zirtawpnia ICRC-in thu an chhuahah, “Olenivka penal facility leh hmun danga POW dahna en turin team an inring reng a. Thuneitu sangten an phal lo va, min phalsak loh chuan tharuma nawr thei kan ni lo,” a ti.
Olenivka prison hi Russia thlawp thuneituten kum 2014 atanga an enkawl niin inenkawlna a chhe hle.