Thawhtannia Russia-in missile leh drone hmanga Ukrainian a kah chiamnaa an hman drone chu Iranian siam ngei nia hriat a ni a, hetih rual hian Kyiv-in air defence system a mamawhzia sawi uar thar a ni bawk.
A hmain US leh a thawhpui, French leh UK tangrual chuan Iran-in Russia hnena drone a hralh dan chuan UN Security Council thutlukna a bawhpelh niin an lo sawi tawh a, sipai thil inpek dan chuan nuclear dan zam a palzut niin an sawi.
Ukraine chuan Thawhtannia Kyiv leh Sumy khawpui beihnaa hman drone-te chu Shahed-136 unmanned aerial vehicle (UAV) ngei a nih thu an sawi a. US state department-a hotu pakhat, Vedant Patel chuan US chuan hetiang thil hi a haw hle tih a sawi.
Russia leh Iran erawh chuan Iranian drone hman anga sawi chu an pha ve ve a. EU chuan a ni ngei tih finfiahna dap khawm mekin sawi zui tur a neih ngei rin a ni.
UK defence intelligence chuan Thawhtanni atanga kamikaze drone hmanga Russia a chet thar lehnaah civil mite hmun a beih chu tun hnaia indona muala an chet that tawk loh phuba laknaah a puh mek bawk.