Thu tiama tihlawhtling leh lo ang party kan ni lo : Hmuaka

Aizawl: BJP Mizoram Pradesh President Vanlalhmuaka chuan BJP-in hma lam panin an kal zel a, Mizorama party thenkhat anga mipui hmaa thutiam zuta tihlawhtling leh lo party ang an nih ve loh thu a sawi.

Thawhtanni zan khan Aibawkah BJP Mizoram State Headquarters hruaituten an party-ah mi thar an lawm lut a, thusawitu, Vanlalhmuaka chuan central atanga mi retheite tan scheme tha tinreng awm mah se Mizorama sorkarna chelh mekten a nih tur anga hma an lak loh avangin mi rethei tam takin an dawng thei lo chu pawi a tih thu a sawi.

Vanlalhmuaka hian Assam-ah chhungkaw nuai 90 chuang an awm a, Housing For All-ah buaina an nei lo a, Mizoramah erawh chhungkaw nuai thum pawh an awm tling lo nachungin sorkarin chhungkaw tlem tete pawh chu an chin felsak duh lo tih sawiin, “India sorkarin mi retheite tana heti khawpa tha scheme a duante Mizoramah a nihna anga kan dawn loh chhan chu, mi rethei account-ah direct a sum a luh zel tawh avang hian sorkarin hlawkna an nei ve tawh lo a, mi mal pocket-a lut thei a awm tawh lo bawk avangin mi retheite tan engmah an ti tha duh ta lo a ni,” a ti.

PM Scheme hrang hrang hi 2011 Cash Census base-a siam a nih avangin, hemia hming awm apiangten an dawn theih laia Housing For All scheme diltu tam tak Mizoram chhunga mite chu state sorkarin sum pakhatmah an pek loh central atanga in sak zawh tawhna lawmpuina PMO office atanga certificate dawng tam tak an awm te hi mak a tiin, zahthlak a tih thu a sawi a. “Mizorama sorkarna changte hian mi retheiten leirem an rah ve an hlau hle a, hei hi sum hmanga an bum theih loh an hlauh vang ni hialin a lang,” a ti bawk.

Leave a Reply

error: Content is protected !!