Rs 10,35,465 senga sak, Ramhlun South-a Anganwadi Centre-III chu Aizawl North II bialtu MLA Dr Vanlalthlana’n nimin zing khan a hawng.
Coordination Committee chairman C Lalbiakthanga kaihhruai hawnna inkhawmah thu sawiin Dr Vanlalthlana hian angawadi hmun tha tak mai an hawng chu lawmawm a tih thu sawiin, naupangten hmasawn nan leh tangkai taka an hman a beisei tih a sawi a. Hmun hma tha tak neih theih a nih nan a thahnemngai taka hmalatu, sorkar hotute, Ward IV ACM Councillor te, khawtlang hruaitute leh Coordination Committee te chungah lawmthu a sawi.
Anganwadi Centre III hawnnaah hian ICDS hotute, khawtlang hruaitu engemaw zat leh ZPM Aizawl North II block hruaitute an tel a ni.