Aizawl : PC party President Vanlalruata’n “mipuiin sorkara pawisa kan pek cheng vaibelchhe tel a bo niin a lang” a ti a. Mipuiin chhiah leh thil dang hrang hrang an pek, sorkara lut ngei tura ngaih thin atangin cheng vaibelchhe tel a bo nia lan thu leh hemi chungchang sawifiah tura sorkar a phut thu a sawi.
Nimina PC party pisa-a sorkar sum hmuh chungchang zirhonaah he thu hi PC party president chuan a sawi a. Damdawi in-a mipui inentirna atanga sorkar sum hmuh Rs. 28,000 chauh nia sorkarin a tarlan thu sawiin, “hetiang zat lek hi a ni thei lo,” a ti a. PWD khawl chi hrang hrang hawhna man sorkara lut Rs. 1,000 chauha tarlan a nih thu leh sorkara pawisa lut anga ziah chi hrang hrang dang te a sawi bawk.
PC party President chuan sorkarin sum a hmuh nia tarlan hrang hrang enin mipuiin an pek reng si, sorkara lut lo cheng vaibelchhe tel tehmeuh a awm nia a lan thu a sawi a. “A nihna dik tak sawifiah turin sorkar ka phut”, a ti bawk a ni.