Aizawl : East Tuipui bialtu MLA Ramthanmawia’n “Ka MLA chhung hian Re 1 pawh eiruk ka tum lova, ka la eiru bawk lo” a ti a. A hma chuan contractor a nih thu leh sum luhna a neih thin thu sawiin, “bial tan ka thawh avangin tunah chuan he bial tan hian Rs 10 nei thin kha Rs 5-ah ka tla thla ta” a ti.
Farkawn YMA hall-a MNF workers meet cum potical training nimina neihah he thu hi bialtu MLA Ramthanmawia chuan a sawi a. “Ka phak tawka he bial ka hmangaihna leh he bial tana ka thawhna hi min hriat sak ula, chawl lovin in tan hma ka la reng thin a ni,” tiin party worker kalkhawmte hmaah a sawi.
East Tuipui bialtu MLA chuan a bial chhunga Science zirna la awm lo a vei thu sawiin, an neih theina tura theihtawp an chhuah thu a sawi a. School session thar atanga Science zirna chu a bialah tan theih a nih tur thu a sawi.
A biala Health Sub-Centre awm lohna khaw 5-ah Health clinic centre din tura tih fel a nih tawh thu pawh Ramthanmawia chuan a sawi a. Farkawn tana Tiu lui tui pump-na tur pawh NABARB atangin Rs. vbc 16 pawmpuina hmuh a nih tawh thu leh hna tan thuai a nih a rinawm thu a sawi. Phullem phahna tur DPR pawh thehluh tawh a nih thu leh an nawr zui zel thu a sawi bawk.
Ramthanmawia chuan a bial chhung hmasawnna tura hmalak tawhna hrang hrang te a sawi bawk a ni.