Aizawl : Aizawl North II bialtu MLA Dr Vanlalthlana chuan thawhtanni khan Republic High School-ah ‘Intodelh Inzirtirna’ a hawng.
Hawnna inkhawmah thu sawiin Dr Vanlalthlana hian, ‘Intodelh Inzirtir’ tura pilot project atana Republic High School, Govt. Hrangchhuana High School leh Tharthilthlentu (TiLi) te nena hma an la ho thei tur chu lawmawm a tih thu a sawi a. Zirna hi hna zawng tur ni loa intodelh tur zawka inher danglam a tul tih sawiin, “Kan phone kan update thin ang tho hian zirna, inchhung leh khawtlang inkaihhruaina pawh hi Intodelh thei tur zawnga kan update zel a pawimawh a ni,” a ti.
Intodelh inzirtirna kawnga a bial chhunga hma lakna turah hian school pahnihte leh Tharthilthlentu (TiLi) te nen thawhhona thuthlung ziah a ni a. Zirtirna pe tur chu TiLi lam hian lo buaipuiin, MLA fund atanga pek thin a ni dawn a. Syllabus hran nei lo in, Entrepreneurial Mindset zir ho, mi hlawhtlingte chanchin zir bakah entrepreneurs-te nena inkawmhona hun neih thin dawn a ni.
He hunah hian bialtu MLA hian Aizawl Venglai Middle School te hnenah zirnain hma a sawn zel theih nan MLA fund hmanga lei, Computer set a hlan nghal.
‘Intodelh Inzirtir Hawnna’ hun hi ZPM Aizawl North II Block hruaituten kaihruaiin, LTL Fela (CMD, TiLi), ZPM Block hruaitute leh zirtirtute atangin thuchah ngaihthlak a ni.