UNICEF Goodwill Ambassador Priyanka Chopra chuan tunhnaia Kenya ram a tlawhnaah mipui mamawh leh an dinhmun harsa tak hmuin tanpuina ngenin a auchhuak.
Khawvelpumpuia chengte hmaah he rama riltamna manganthlak tak chungchanga sawiin, a bik takin riltama thi mai thei tura ding mek naupangte tana tanpuina sum leh pai thawh turin a ngen.
Hemi chungchang hi Instagram-ah video hmanga auchhuakin, “Naupang te chu riltama thi mai thei an ni a, mi maktaduai tam takte chu ei tur tlachham thut thei reng a ni. Hei hi climate buaina hnuhma lian tak a tih loh theih lova, tunah hian Kenya ramin a tawngbaw ta reng mai. Mahse, beiseina a awm a, a chinfelna pawh a awm a ni,” a ti.