Aizawl : Tun thla ni 18 atanga vawiin thleng awh tur Geneva, Switzerland-a UICC (Union for International Cancer Control, Geneva) buatsaih World Cancer Congress-ah NHM, Mission Director, Dr Eric Zomawia telin, ram hrang hranga Cancer lama inhmang mi 2000 an tel.
Mizoram atanga tel Dr Eric Zomawia hi Mizoram population based cancer registry-ah Principal investigator nilai a ni a, WHO-in cancer research buaipui tura a din, International Agency for Research on Cancer (IARC), Lyon te nen research tiho mekin, an research chu chhul hmawr (cervix) cancer venna tura pawimawh HPV vaccine chungchang a nih thu sorkar thuchhuahin a tarlang a. He research atang hian HPV vaccine vawithum pek țhin chu vawihnih a țha tawk tih an hmuchhuak tawh a, khawvel pumah HPV vaccine chu vawihnih chauh an pe tawh niin sorkar thuchhuah chuan a tarlang.
Research-a thil hmuh te chu he khawmpuiah hian an sawi dawn avangin Dr Eric Zomawia hi tel tura sawm niin, senso pawh an tumsak niin sorkar thuchhuah chuan a tarlang