NBA champion Golden State Warriors in season thar tan ni ah Los Angeles Lakers tum nghalin hnehna changin bul an tan.
NBA season tan ni ah conference pahnih a team tha intum tir an ni thin a. West lamah Stephen Curry leh LeBron James te an intum.
Warriors in kuminah pawh champion thei tur team an nei tih an tilang nghal a. Hetihlai hian NBA chanchin a player ropui bera tam takin an chhal James-a khelhna Lakers erawhin team an la duang tha tawk lova. Kuminah Playoffs an khel pha ang em tih zawhna a la lian reng.
Curry-a’n point 33 score in assist vawi sarih leh rebound vawi 6 a la a. 123-109 in an chak.
Lehlamah LeBron James-a’n point 31 leh rebound 14 leh assist vawi 8 a nei a. Anthony Davis chuan point 27 a thawh.
East lamah kumin Finals khel Boston Celtics in TD Garden-ah Philadelphia 76ers an mikhual a. 126-117 in an chak.
Celtics tan Jayson Tatum leh Jaylen Brown ten point 35 ve ve an score a. Lehlamah James Harden chuan point 35 tho a score ve bawk.