NBA team zinga lar leh hriat hlawh Los Angeles Lakers chu an vawi hnih khelhnaah an tlawm leh a, an thenawm team Los Angeles Clippers nen inkhelin 103-97 in an tlawm.
Clippers team hi hliam in a tihbuai avangin season liamta ah star player te ring tak tak thei lovin an awm a. Nimahsela tun season-ah an dam kim chuan playoffs a team tha pawl ni tura ngaih an ni.
Thla 16 a chawlh hnua a inkhel leh hmasak berah Kawhi Leonard chuan point 14 a score a, rebound vawi sarih a la.
Paul George leh John Wall ten 15 ve ve thawhin Wall hian Clippers a zawm hnuah a vawikhatnan a team thar tan a khel.
Clippers hi tunhnaia Lakers nen an inkhelh hnuhnung pariatah an la chak vek.
Lakers tan Anthony Davis chuan point 25 a score a. LeBron James chuan point 20 leh rebound 10 la in Lonnie Walker chuan Lakers tana home inkhel a hmachhawn hmasak berah point 26 a score.