Brazilian politician hriat hlawh tak pakhat chu Rio de Janeiro state-a a chenna ina police officer-te an kal tur grenade hmanga a lo beih avangin man a ni.
Far-right President Jair Bolsonaro-a lamtang, Roberto Jefferson-a hian Pathiannia thil thlengah hian officer pahnih hliamin a inpe zui a ni.
Supreme Court judge chuan a hmain Chief Justice Cármen Lucía-i a nuihsawh avangin manna tur thupek a tichhuak a. A chet dan avang hian a chenna inah pawn chhuak thei lova hren sa mek a ni.
Bolsonaro-a chuan Jefferson-a chet dan hi demin police kaptu apiang chu man turin a ti a ni.
State khawpui, Rio de Janeiro hmar lam, Comendador Levy Gasparian-a thil thlengah hian granade puak siper avangin officer pahnihin hliam an tuar a, damdawi ina hruai ni mah se an chhuak leh tawh.
Kum 69 mi, Jefferson-a hi PTB political party hruaitu hlui a ni a, a rifle vawi tam a hmet puak bawk a, police car hma darthlalang a kap chhe bawk.
Supreme Court Judge Alexandre de Moraes chuan politician hi chenna ina hren (house arrest)-a awm dan tur a palzut avangin man nghal turin thupek a tichhuak.
Brazil hian Pathianniah president an thlang dawn a, Bolsonaro leh left-winger Luiz Inácio Lula da Silva an inkhing a, tun lai hi politics boruak a san vanglai a ni.
Lula-i hi thla tir lama inthlan thawh khatnaah khan chuh zui tura vote hmuh ngai, vote tla zinga 50% chu hmu pha lo tep a ni a; mahse, tunah hi chuan chak tura rinkai a ni leh tawh zawk.