Zote Honda Mizoram Premier League season 9 round 10 inkhel ni hnuhnung zawkah chak an awm lova. Team pali in point khat thauh an hmu.
Lammual a inkhel hmasa zawkah chawhma dar 11:30-ah Mizoram Police leh Chhinga Veng FC te an inkhel a, 1-1 in an inhnehtawk.
Police in Biaktea hmanga chance tha an neih an hloh hnuah Chhinga Veng tan minute 29-naah penalty atangin Vanlallawmtluanga’n goal a khung.
He goal hi second half-ah Malsawmfela’n a sut a. Police striker hian tun MPL-ah goal nga khung tawhin top scorer a la ni mek.
Point khat ve ve an hmuh avangin team pahnihte pahnihna leh pathumnaah an awm chhunzawm.
Inkhel hnuhnung zawkah league hmahruaitu Aizawl FC leh Chawnpui FC te 1-1 bawkin an inhnehtawk.
Aizawl FC tan Lalchhanhima Sailo chuan minute 62-naah goal a khung a. Hei hi Chawnpui tan striker pawimawh MC Malsawmzuala chuan minute 73-naah a sut a. Point 15 hmu in Chhinga Veng leh Venghnuai te nen an point hmuh zat a inang.