Aizawl: National Students’ Union of India, Mizoram State chuan World Bank Road State Highway, Hualngo khaw hnuai BN Nursing Hostel bul siam thuai turin contractor an ngen.
Nimina an thuchhuahah, BN Nursing Hostel bul chu hun rei tak atanga kawng chhe tawh chu siamtha thuai tura Engineer-in-Chief Bowmen-a chu September 19, 2022 khan a pisa-a an hmuh tumin, ruahtui hul veleh an siam tur thu leh sum pawh tihfel vek a nih tawh thu a lo hrilh a. Chutih laia, tun thlenga siam hna an la tan lo chu contractor hian a rang lama mipui mamawhna hriaa hna tan thuai turin leh, sorkar pawhin a rang lama hna tan a nih theih nan hma la thuai turin an ngen tih an sawi.
NSUI sawi danin, he kawngpui siam tha tura contractor chu C Rochawiliana (2nd Class Contractor, Bungkawn, Aizawl-a cheng a nih thu an sawi bawk.