Juventus tan midfielder thar Filip Kostic a hun takah a inlar a. Inter Milan nen Pathianni zana an inkhelah che tha hle in Juventus in 2-0 in hnehna an chan phah.
Italy a derby lian ber a mi tam takin an sawi thin Derby d’Italia ah inkhelin team pahnihte chak tumin an inkhel.
Allianz Stadium a first half-ah Inter chu first half a team tha zawk nimahsela halftime hma in goal a lut lova. Lautaro Martinez hmangin chance tha tak an hloh a, Edin Dzeko leh Denzel Dumfries te pawhin goal an khung lo uiawm hle.
Second half-ah erawh Juventus player zinga hlauhawm ber Kostic-a thawhrimna in awmzia a nei. Inter corner kal zel atang ball la in a tlanpui a, minute 52-na a Adrien Rabiot goal khung tur a siamsak.
First half a Gleison Bremer-a’n a cross tha ho taka a tauh luh loh tawh Kostic bawkin an goal hnihna a thawk chhuak a. Kum 21 mi Nicolo Fagioli goal khung tur huntawp hma in a siamsak leh bawk.
Fagioli hian a zawnin league inkhelah goal a khungna a ni a. Juventus in Danilo goal khung pawm loh an nei tel.
Juventus coach Massimiliano Allegri chuan, “First half-ah a vannei zawk kan ni a, mahse thawhrimna leh huaisenna nena kan khelh chuan result tha kan hlawhchhuak mai a ni.” tiin a sawi zui.