Bodoland Territorial Region (BTR) huam chhunga district palia zirna inhrang hrang provincialised thara thawktu zirtirtu 2,160 hnenah nimin khan sorkar chuan appointment letter a hlan a. Hlanna inkhawm hi Kokrajhar-ah neih a ni.
Appointment letter hi Kokrajhar, Chirang, Baksa leh Udalguri district-a sikul leh college-a thawkte BTC Secretariate Field, Bodofa Nwgwr-ah hlan an ni.
Bodoland Territorial Region (BTR)-a education department-in a buatsaih he hunah hian Chief Executive Member (CEM) Pramod Boro chu khual lian a ni a, appointment letter-te hi a sem.
Appointment letter dawng 443-te hi high school, higher secondary school leh senior secondary school-a thawk zirtirtute an ni a. Elementary, Lower Primary leh Upper Primary school-a thawk 1,559 hnenah hlan a ni bawk.
Heng bakah hian Bodoland Territorial Region (BTR) hnuaia college-a zirtir hna thawk mi 158 hnenah hlan a ni bawk.
Appointment letter hlanna inkhawmah hian Kokrajhar Lok Sabha MP Naba Kumar Sarania, BTR executive member leh BTC-a MCLA (Member of Council Legislative Assembly) an tel bawk.