Aizawl : Lawngtlai khawpui chhunga faina beihpuithlak kalmekah nimin khan khawpui chhung hmun thumah faina hnatlang neih a ni.
ANM School, La- wngtlaia zirlai leh zirtirtu ten District Hospital, Lawngtlai atanga Mizofed filling station panna kawngpui kam lungrem leh tuihawk luankawrte an thianfai a, ANM school leh a chhehvel pawh midang tana entawntlak tlingin kumtluanin an vawngfai thin a, ANM school hian faina lama hma la tha lawmman pawh an lo dawng fo tawh a ni.
Lai Womens’ association, Electric Veng branch, Lawngtlai leh Bazar Veng branch, Lawngtlai te an huamchhungah hnatlangin, khawlai a bawlhhlawh chharfaiin, kawngkam leh tuiluankawr te an thianfai bawk a ni.