Sorkar chuan Vice Admiral R. Hari Kumar chu Chief of the Naval Staff thar a ni dawn.
Kumar-a hi Flag Officer Commanding-in-Chief Western Naval Command a ni mek a. Navy chief tang lai, Admiral Karambir Singh chu tun thla tawpa a pension dawn tak avangin a thlak dawn a ni.
Vice Admiral R.Hari Kumar hi January 1, 1983-a sipaia lak luh kha niin Indian Navy-a Executive Branch-a thawk tura lak a ni a. Kum 39 dawn lawng sipai hmanga ram rawng a bawl tawh chhungin command, staff leh instruction lamah chanpual pawimawh tak tak a lo chelh tawh thin.
Tuipui lama a lo kaihhruai tawh zingah INS Nishank, Missile Corvette, INS Kora leh Guided Missile Destroyer INS Ranvir te pawh a tel a. Indian Navy hnuaia Aircraft Carrier INS Viraat pawh a kaihhruaina hnuaiah a lo awm tawh bawk.
Western Fleet-ah Fleet Operations Officer a ni tawh a. Naval War College, United States; Army War College, Mhow leh Royal College of Defence Studies, UK-ah pawh a lo training tawh bawk.
Vice Admiral R. Hari Kumar hian sipai chawimawina sang pawh Param Vishist Seva Medal, Ati Vishist Seva Medal leh Vishist Seva Medal a lo dawng tawh a ni.