Aizawl: Tun lai hian Aizawl Municipal Corporation chuan Aizawl khawpui chhungah street vending plan a kalpui mek a, tun kar hian zawh hman an inbeisei.
AMC Dy. Mayor R. Thanglura, vending changtu ni bawk hoin AMC-a thawktute chuan an huam chhunga veng tinah kalpuiin street vending plan hi corporator leh local council nen Aizawl veng hrang hranga kawngpui sir hmun remchang laia inzuarte thutna tur hmun hi an en kual a. Aizawl khawpui chhunga felfai zawk a kalpui dan turte an enho a ni.
R. Thanglura hian, “Vendor-te kaihhruaina mumal kan la nei lo a, district dangah zawh fel a nih tawh a, Aizawlah tihfel ve thuai tum a ni a, plan mumal tak siamin vendor-te kaihhruaina mumal tak neih thuai kan tum,” a ti.
Vendor-te tan leh mipui tana him lo chin tiboin licence nei lo tam tak awm mek tihbo an tum thu a sawi bawk.
AMC hian November 1, 2022 atang khan street vending plan hi kalpuiin district pum puiah vending zone leh restricted zone siamin Mizoram sorkarin notification a la chhuah leh dawn a ni.