Aizawl: HRD Board Vice Chairman L. Thangmawia chuan health sub centre 247 chu health & welness centre-ah hlan kai a nih tawh thu leh thawktu tur 240 lak an nih tih a sawi.
Inrinni khan Lengteng bialtu MLA L Thangmawia’n Vankala MLA fund hmanga sak, health clinic centre building thar a hawng a. Hawnna inkhawmah thu sawiin Vankal khuaa clinic centre a awm theih nana hma latu, Health Minister Dr R Lalthangliana leh H&FW Board Vice Chairman Dr ZR Thiamsanga leh health department thawktute leh, thawktu tur dah nghal a nih theih nana SEDP atanga sum ruahmansaktu, Chief Minister Zoramthanga chungah lawmthu a sawi.
Puilo khuaah building sak mek a ni a, a dangah chuan MLA fund leh fund dang remchang hmangin a building leh thawktu dah fel vek an nih tawh thu a sawi bawk.