America a club football khel mek Gareth Bale chu Wales tan chhandamtu a ni a. Second half-ah penalty atang goal khungin United States Men’s National Team nen 1-1 in an inhnehtawk.
Al Rayyan a Ahmad bin Ali Stadium a inkhelah first half-ah USA in football hmuhnawm zawk an khel a. Tun World Cup a kum chawhrual a team naupang berin tha za taka football khelin an tlan taima a, ball an thunun zawk.
Minute 36-naah an phu zawk ang takin goal an khung a, Christian Pulisic siamsak atangin Timothy Weah chuan an goal hmahruai a khung.
Second half-ah Wales an insiamtha a, a tawp khar tha zawkah an tang. Halftime zawhah striker Kieffer Moore dahluh a ni a, hei hi inkhel thlak danglamtu a ni.
An goal nawr in awmzia a nei zawk a. Ben Davies leh Moore ten goal an khung teuh.
Minute 81-naah Walker Zimmerman a chesual. USA defender in Bale ti tlu in penalty a chawi a. Wales star player hian penalty atangin huntha a hloh lo chiang hle.
Robert Page-a pawlte hian Zirtawpni ah Iran an hmachhawn leh dawn a. Chak zawk ni tura rin an hlawhna inkhelah an chak chuan second round beiseina lian tak an nei ang.
Hetihlai hian USA pawhin beisei an la nei sang. A bikin first half a muallai a Weston McKennie, Yunus Musah leh Tyler Adams te inkawp thawhrimna leh inkhel thunun dan enin team tha berte lakah pawh harsatna siam thei tur an ni tih a chiang.
Kum lama an naupanna erawh a lang a. Second half a Wales player tawnhriat neitha tawhte insiamtha lakah a tlahniam zawngin an kal.
Penalty pettu Bale chuan, “Penalty a nih khan goal ka khung dawn tih ka hre nghal. Ka pet dawn tih ka chian tluk khan ka ram tan ka chet a ngai tih ka hria. Ka lawm hle.” tiin a sawi zui a. USA coach Gregg Berhalter chuan, “Second half-ah min nawr an tum a, kan lamah ball an pet lut hnem. Team lian leh tha an neih avangin inkhelh an tiharsa thiam hle.” a ti.