Aizawl: Mizoram Larsap Hari Babu Kambhampati chuan Ashwini Kumar Choubey, Union Minister of State for Consumer Affairs, Food & Public Distribution leh Environment, Forest & Climate Change hnenah National Institute of Technology (NIT) sakna tur hmunhma chin felsak thuai turin ngen.
Thawhtanni zan khan larsap hian Mizoram tlawhtu, Union Minister Choubey chu Raj Bhavan-ah kawmin sorkar hmalakna pawimawh hrang hrangte a sawipui.
He hunah hian larsap hian NIT sakna tur hmunhma a la fel theih loh thu hrilhin Union MOS for Forest and Climate Change chu NIT sak hna thawh thuai a nih theihna tura forest clearance ching fel turin a ngen.
Larsap Khambhampati chuan union minister hnenah hian Mizoram dinhmun tlangpui te, Mizorama hmasawnna ruhrel lian zual deuh thawh mek te leh hun reilo tea thawh tur chi project lian tham deuh chanchin tlangpui a hrilh bawk a ni.