Aizawl : Serchhip district skill committee-in IBM nena tangkawpa an buatsaih Skill building programme chu nimin khan Serchhip Bawrhsap Nazuk Kumar-i’n Marian High School Serchhip-ah a hawng.
Bawrhsap Nazuk Kumar chuan, tunlai khawvelah IT thiamna a sang tawh a, a hmang tangkai thiam tan chuan mahni awmhmun atang pawhin thiam bik nei thei tura inzir nante pawh a hman theih tih a sawi a. Chumi rahbi atan chuan Skill building programme chu a pawimawh hle nia sawiin, an thil zir turte tha taka zir tur leh tangkai pui ngei turin duhsakna a hlan.
Resource person IBM Build Subha chuan zirlaite Skill building chungchang zirtirna a pek bakah IT khawvela thiamna an neih theihna turin mobile phone hman tangkai dante a taka entirin zirtirna a pe a ni.
He hun hi hi Vikash Walke, Minstry of Skill Development chuan a kaihruai a, District Skill Committee hian thalaite tichaka, thiamna tak tak an neih theih nana pui turin thawhpui tha tak tak kan nei a, chung zinga pakhat chu vawiina kan kalpui meka IBM CSR hmanga IBM Skill Build hi a ni. A thawh khatna atan school pali an thlang chhuak a, zirlai naupang 500 velin an chhawr tangkai dawn a ni, a ti.
Zirlai ten online free course za chuang heng Coding, Artificial Inteligence, Gaming, leh thil dang tam tak Mobile Phone hmangin an kal thei dawn a ni. An zir zawh hnuah khawvela Software siamtu company lian ber IBM ten Certificate an pe ang a, hna an hmuh theihna kawngah chu chuan nasa takin a pui dawn a ni, a ti bawk.