Nepal rama folk singer lar Nira Chhantyal chu Pathianni kaltaa Pokhara International Airport hnaihah thlawhna chesuala thi mi 68 zingah a tel.
A thih thu hi a unaunu Heera Chantyal Sherchan chuan a sawichiang ta a, Pokhara-a event pakhata tel tura a thlawkchhuak chu vanduaina in a man ta a ni.
Magh Sankranti festival chhim tura kal Nira hi a phur hle a, thlawhna chesual hma zing lamah Facebook kaltlangin thlalak te dahchhuakin, Magh Sankranti festival lo awm tur atan duhsakna a hlan thu te a tarlang nghe nghe, “Naktukah Pokhara-ah hlim taka hun ka hman a ngai,” tiin a ziak.
An chetsualna thlawhna hi Yeti Airlines ta a ni a, thlawhna tunhmun an thlen hma minute tam vak lova chesualin crew member palia tiamin mi 68 an thi.