Aizawl: Mizoram Police-in nimin khan an din champha vawi 51-na GS Arya Mess, PHQ, Aizawl-ah an lawm a. Police officer, Aizawla awm, Dy. SP chin chung lam an tel.
Mizoram Police din champha lawmna hi IGP (Hqrs.) John Neihlaia’n kaihruaiin, AIG (Modernisation) C. Lalthanmawia’n Mizoram Police hlawhtlinna leh hmalaknate a sawi a. ADGP Ajay Choudry leh DIG (Hqrs) Lalbiakthanga Khiangte ten thu an sawi bawk.
Mizoram Police kum 51 tlin lawmna pual hian Aizawl Traffic Police chuan nimin khan faina beihpui thlakin, an office huam chhung leh a chheh vel te an thenfai bakah, sumdawnna hmunpui Dawrpui huam chhung bakah Aizawla kawtthler lun laia kawngpui te an thianfai a, an sum thawhkhawm atangin mi harsate leh home thenkhatah tanpuina an pe bawk a ni.