India-ah darkar 24 liam ta chhungin coronavirus kai mi 3,038 hmuh chhuah leh hman niin enkawl lai mi 21,179 an awm tling leh mek tawh tih union health ministry-in a chhinchhiahnaah tar lan a ni.
Darkar 24 liam ta chhung hian thihpui mi pakua chhinchhiah belh leh niin mi 5,30,901-in an thihpui ta a, chhinchhiah thar zinga pahnih hi Kerala-a a hma lama thi tawh, telh thar an ni.
Delhi leh Punjab-ah mi pahnih ve ve, Jammu & Kashmir, Maharashtra leh Uttarakhand-ah mi pakhat theuhvin an thihpui thar a ni.
India-ah hian Covid kai hi mi 4,47,29,284 an ni tawh a, an zinga 0.05% chu enkawl lai mek niin 98.76% chu enkawl dam an ni tawh thung.
Hri kai zinga enkawl dam tawh zawng zawng hi mi 4,41,77,204 an ni tawh a, 1.19%-in an thihpui bawk.
Invenna pek beihpui thlak mek zelah vaccine dose vaibelchhe 220.66 pek a ni tawh.