India-in ram dang nena sumdawnna leh inkungkaihna a neih mek chu Organisation of Islamic Cooperation (OIC)-in special meeting a koh turin a tha lo zawngin a nghawng thei dawn em tih zawhna a awm mek a. OIC special foreign ministers’ meet neih turin Kashmir chungchang vang a ni dawn a, Saudi Arabia pawhin tel a tum tih a sawi chiang tawh.
Meet neih tur hi Pakistan tana duhthusam a ni a, tun hnai lawkah Malaysia-ah Islamic summit neih a lo ni tawh a, hemi tum hian Muslim ram thiltithei leh India-in tuialhthei a chawk luh tamna ram, Saudi hi a tel lo thung a. India hian sum leh pai lamah leh venhimna lamah Saudi Arabia hi kawmngeih hle mahg se Islam ramten Kashmir chungchang avanga meet an neih turah thuthar an nei a nih hlauh chuan New Delhi tan a pawi thei tura ngaih a ni.
Tar lan tawh thin angin Narendra Modi India sorkar chuan Kashmir dinhmun nasa takin a tidanglam a, rei tak biakpawh theih an ni lo va. India chu insawi thiam hle mah se khawvel hmuhah India hmel a tibal nasa hle thung.