Chennai Super Kings in tun Indian Premier League season-ah a vawikhatna atan hnehna an chang a. Run 12 in Lucknow Super Giants an hneh.
Thawhtanni zanah M.A. Chidambaram Stadium-ah CSK in Lucknow an mikhual a. Chak turin mikhual team hian run 218 an siam a ngai a, mahse Chennai tan England all-rounder Moeen Ali chuan wicket li la in hnehna an chan theih chhan lian tak a ni.
Lucknow hian target sang umin over 5.3 atang run 79 an siam nghal a. Kyle Mayers chuan ball 22 atang run 53 siamin KL Rahul chuan 20 a thawh a, mahse Moeen-a’n CSK opener pahnihte wicket a la a. An middle order-ah Krunal Pandya leh Marcus Stoinis te wicket la bawkin Lucknow in run 205 bak an tlin loh chhan a ni.
Lucknow tan hian Mark Wood chuan wicket 3 la ve mahse Chennai in over 20 chhungin run 217 an siam a. Ruturaj Gaikwad chuan run 57 siamin bul a tan a, Devon Conway chuan run 47 siam bawkin Shivam Dube leh Ambati Rayudu ten run 27 ve ve an siam.
India captain hlui MS Dhoni pawhin over hnuhnung berah a zawna 6 runs vua in CSK batsman ten an hun a thlenin run pawimawh an siam theih an chakpui.