Bilkhawthlir South-a LAD hnuaia Ras- htriya Gram Swa- raj Abhiyan kaltlanga si- am, Kuhva hnah hm- anga thleng siamna hmun ‘Arecanut leaf plate production centre’ chu nimin khan LAD Minister K. Lalrinliana’n a hawng.
Sorkar thuchhuahin a tarlan danin, Bil- khawthlira Kuhva hnah hmanga thleng siamna hmun hi Rashtriya Gram Swaraj Abhiyan kaltlanga Rs. nuai 43 senga din niin, December ni 6, 2021 ah hna tan a ni a, kumin January ni 25 khan sak zawh niin, tuna khawl awm mek hmangin plate chi 6 a siam theih a ni.
LAD Director Rita Lalnunmawii Pachuau-in mahni inrelbawl leh intodelh tura hnatha- whna hmunhma buatsaih chu Rashtriya Gram Swaraj Abhiyan thil tum zinga pawimawh tak a nih thu leh vawikhat hman plastic tihremna tura hmalakna a nih thu a sawi.
LAD Minister chu- an Kuhva hnah hma- nga thleng siamna hmun chuan intodelhna kawngah hmasawnna a thlen ngei a beisei thu a sawi a. Vawikhat hman plastic tihrem nan leh Bilkhawthlir Self help group member ten eizawnna ngelnghet an neih theihna tura hmang turin duhsakna a hlan a. Teh- fung hrang hrang leh a man chhiar kawngah te ramdang siam el pha tura tan la turin a chah.
Supply Minister ni bawk K Lalrinliana chuan Mizoram sor- karin Food, Civil Supplies & Consumer Affairs department kal- tlanga ram chhung ngeia tharchhuah Buhfai lei tur a duh thu pawh sawiin, Bilkhaw- thlir khuaa thar Buhfai quintal 23 leisak tawh a nih thu a sawi bawk.