Ultimate Fighting Championship a middleweight huanga fighter beiseiawm tak Bo Nickal chuan a inlan leh hun tur a tichiang a. July 8 a UFC 290-ah Treseaon Gore nen an intum dawn tih a sponsor kaltlangin a puang.
MMA a 4-0 record nei mek Nickal hi freestyle leh folkstyle wrestler niin North America a college level a infiamna sang NCAA Division I Wrestling champion vawi thum ni thei a ni a. 2020 Summber Olympics khan US Olympic Team Trials-ah a beiseiawm zing ami a ni bawk.
Kum 27 mi hian kum 2019 khan mixed martial arts a luhchilh tur thu a sawi a. Professional MMA a luhchilh hnuah ngaihven hlawh hle in a inlan vawi hnihna lekah “Dana White’s Contender Series”-ah lang nghalin vawi thum a chak hnuah UFC in an lalut a. An hnuaiah vawikhat inlan tawhin a chak nghal.
A khingpui tur Gore pawh hi fighter beiseiawm tho a ni a, 4-2 record neiin October thla khan Josh Fremd a hneh.