Aizawl South II bialtu MLA Lalchhuanthanga’n nimin khan a bial ITI Venga Health & Wellness Centre leh Govt. Comprehensive Model School, Model Veng ami te tlawhin, an computer set (printer telin) a pe.
Bialtu MLA chuan ITI Venga Health & Wellness Centre-ah thawktu 14 an awm mek thu leh mipuiin an bawh nasat avanga an indaihloh hle thu sawiin, thawktu an mamawh belh hle niin a sawi a. ZMC atanga hmui thintu doctor chu a hun a tawp tep tawh thu leh doctor dang pahnih, OPD-a thu tur leh fehchhuak tur mamawhna a san thu a sawi.
Group D staff leh Laboratory mamawhna pawh a sang hle niin bialtu MLA chuan a sawi a. Kawlphetha back-up (generator) mamawhna pawh a sang hle nia sawiin, rang lama hma laksak turin sorkar a ngen a. ITI Health & Welness Centre chu tun aia changtlung zawka thuam ṭha turin thuneitute a ngen a ni.