Association of Surgeons of Mizoram (ASM), Association of Surgeons of India (ISA) leh Indian Society of Anaesthesiologists (ISA) te tangtlangin Inrinni khan District Hospital, Champhaiah a thlawna inzai runpui ‘Free surgical camp’ an buatsaih.
Free surgical camp hi ASM President Dr. Saia Chenkual leh Vice President Dr. ST Lalruatfela ten an hova, an vaiin Surgeon 11, Anesthesiologist 3 leh Supporting staff dang te an tel a. Damlo zai ngai major surgery 27 te hlawhtling taka zai an ni a, heng zinga 7 te chu naupang an ni. Champhai district-a la tih ngai loh Laparoscopic Cholecystectomy (zai hawn ngai lova a verhna khawl hmanga Mît paih) pawh a vawikhat nan hlawhtling taka tih a ni bawk.
ASM hi kum 2018 khan ISA, North East chapter hnuaia branch pakhat ni tura din a ni a. Tuntum hi an pawl buatsaih free surgical camp tumhnihna niin, nikum khan a tumkhat nan Lunglei-ah an lo huaihawt tawh a. Thingtlang lama cheng, miharsa zawk leh hmunpui pan remchanglo te tana inchhawp hnaia puih chu an tum ber a ni.