AZL: Zirtawpni tlai dar 5:20 vel khan Bilkhawthlir Tuitha Venga Ramthianghlima te in luah lai, rangva in chu bungrua engmah chuh hman lovin a kang ral vek.
Kangmei chhuah lai hian in neitute hi an awm lo va, eirawngbawl lai an chhuahsan zawk hlana kang a ni a. A chhan tak hi hriat a ni lo.
Serlui bialtu MLA Lalrinsanga Ralte chuan kang tuarte tanpui nan Rs. 5,000 leh rangva bundle li a pe a. Tanpuina hi a aiawhin Serlui South Block MNF President Lalrinthara Vangkeu-in a hlan.
Kangmeiin a kan chhiat bungrua hlut zawng hi Rs. 7,00,000 man hu bawr vel anga chhut a ni a. Inrinni khan Bilkhawthlir VC North kaihhruaina hnuaiah hnatlangin in hi sak that leh a ni.