Mizoram Football Association hnuaia district club che thate inelna, Oriflame 21st MFA Cup chu vawiin atangin Khawzawlah khelh a ni dâwn.
He inelnaah hian district pakua – Aizawl, Champhai, Hnahthial, Khawzawl, Kolasib, Lawngtlai, Mamit, Saitual leh Serchhip aiawh club-te an inlan ang.
He inelna hi Oriflame India nen thawk duna kalpui a ni dâwn a, Frederic Widell, VP, Head of South Asia & MD India, Oriflame chuan, “Infiamna hian mipuite inpumkhatna turin thiltihtheihna danglam tak a nei a, thuchah pawimawh tak tak a thlen thei a, a bik takin entu naupang zawkte nena inzawmna danglam tak a thlen thei a ni.”
“Mizoram Football Association(MFA) nena kan thawhdunna kan puang thei hi kan chhuang a, kan phur hle” tiin a sawi.
Khawzawl DFA Ground, Mualvawm a khelh turah hian tun season 2022-23 kal mek a, DFA Top League a champion club-te an inel dawn a. Lunglei leh Siaha DFA atangin club an tel theih dawn loh avangin team pakua an inel dawn.
Lawmman :
Champion – Rs 1,00,000
Runner-up – Rs 50,000
Fair play award – Rs 10,000
Top Scorer – Rs 5,000
Best Player – Rs 5,000