Aizawl : Zo Reunification Organisation (ZORO)-in Myanmar ram buai avanga Zohnahthlak Mizorama raltlan te hnenah nimin khan Tuipuiral Group YMA kaltlangin an chenna tur hmun buatsaihna atan silpouline engemawzat an hlan.
ZORO thuchhuahin a tarlan danin Silpouline hi Floria Glamour dawr-in a chanve an tumsak a, a dang zawng chu ZORO General Headquarters sumin an lei thung. ZORO chuan raltlan te hian silpouline chu sorkar-ah an dil a, sorkarin a pek theih loh avangin an hnenah an mamawh thu an thlen avangin an ngaihtuahsak ta niin an thuchhuah chuan an tarlang a ni.
Myanmar ram buai- nain zual lam a pan nia sawiin, ZORO chuan Myanmar sipai leh mipui sipai te an inkap nasa zual hle niin an sawi a. Hei vang hian sahimna zawnga Mizorama rawn tlanlut pawh an pung nasa hle nia sawiin, khawvel hmun hrang hranga Zofate inpumkhata insuihkhawm tura hmaltu pawl an nih angin Myanmar atanga Zohnahthlak raltlan te harsatna sukiang turin ke an pen zel dawn tih an sawi bawk.